నీ తలపులు

పాలుగారే పాపాయిలు
గుర్తుచేస్తారు నువ్వింకా నాతోనే ఉన్నావని
నిర్మలమైన నీలాకాశం
గుర్తుకుతెస్తుంది మన పరిచయం మచ్చలేనిదని
చల్లని పండు వెన్నెల
గుర్తుచేస్తుంది నీ తలపులు నను వీడిపోలెదని
గలగల పారే సెలయేరు
గుర్తుచెస్తుంది నీ అందెల సవ్వడి నా గుండెలోనే పొదిగి ఉన్నదని
దూరాన కూసే కోయిల
గుర్తుచేస్తుంది నీ మధురభాషణలు నా మదిలో మారుమోగుతున్నాయని
ప్రియా, ఎందుకు నను వీడిపొవు?
లేక కలలోనైనా ఓసారి కనిపించవూ?