This is called UNITY

See the unity of the buffaloes in this video and please stop abusing people as buffaloes. People should learn a lot from them and unite against evil.

ఎటు పోతుంది మన దేశం?

Courtesy : ఈనాడు

స్నేహం....

సృష్టిలో దాదాపు ప్రతి బంధానికీ ఒక అర్ధం ఉంది. తల్లీ బిడ్డల మధ్య పేగు బంధం. దంపతుల మధ్య దాంపత్య బంధం. ఇలా దాదాపు అన్నిటికీ అర్ధముంది. ఒక్క స్నేహానికి తప్ప! ఏదీ ఆశించనిదే స్నేహం. మన ప్రేమని కొంత మందికే పంచగలం. కాని స్నేహం వీటన్నిటికీ అతీతం. "ఒక మనిషి గుణాన్ని అతని స్నేహితులని బట్టి అంచనా వెయ్యొచ్చు" - ఈ మాట ఏ మహానుభావుడన్నాడో గుర్తులేదుకాని ఇది అక్షరసత్యం.
మన గురించి మన తల్లిదండ్రుల కంటే ఎక్కువ తెలిసింది కేవలం మన స్నేహితులకే. మనకి సంతోషం కలిగితే దానిని అందరితోనూ పంచుకుంటాం. కాని బాధ కలిగితే మాత్రం మనం అశ్రయించేది స్నేహితులనే. మన తల్లిదండ్రులతో చెప్పుకోలేని ఎన్నో విషయాలు మనం స్నేహితులతో పంచుకుంటాం. చిన్నప్పుడు దొంగతనంగా జామ చెట్టు ఎక్కినా, పెద్దయ్యాక ఎవరికీ తెలీకుండా సిగరెట్లు కాల్చినా.... మనం ఆధారపడేది స్నేహితులపైనే.
అందుకే ఒక సినీకవి అన్నట్టు "స్నేహానికన్న మిన్న లోకాన లేదురా"..........
Happy Friendship Day

తలపులు

తొలకరి జల్లు కురవగానే పరిమళిస్తుంది పుడమి గర్భం
నా చెలి తలపు రాగానే పులకరిస్తుంది నా చిన్ని హ్రుదయం

భానుడు ఉదయిస్తాడు నింగిలో
తన రూపు వికసిస్తుంది నా మదిలో

పక్షులు విహరిస్తాయి గగనంలో
నా మనసు విహరిస్తుంది తన ఊహల్లో

మీనాల్లాంటి ఆ కనులు
నా హ్రుదయాన్ని కొల్లగొట్టు పూల బాణాలు
సంపంగిలాంటి తన నాసిక
నా హ్రుదయసామ్రాజ్ఞ దీపిక
తన అధరాలు
వికసించే రుధిరవర్ణపు గులాబీలు
ఆ వదనం
పౌర్ణమి చంద్రబింభం
సృష్ఠి అంతా తానే ఐనప్పుడు
తను తప్ప మిగతా ప్రపంచమంతా నాకు వట్టి భ్రమ
అందుకే ఎప్పటికీ తనే నా ప్రియతమ

ఏ ప్రేమికులకైనా నచ్చే పాట......

స్నేహితుడు

మనసేమో మరపురాని మగువ కోసం మూగబోతే
తనువేమో తిరిగిరాని తన కోసం తపనపడితే
గుండెలో గూడు కట్టుకున్న గోడు నరనరాన్ని తొలిచివేస్తుంటే
నా జగమంతా కారుచీకట్లు కమ్ముకుంటే
ఆ చీకట్లొ ఒక చిన్ని కాంతికిరణం
"ఇంతింతై వటుడింతై" అన్నట్టు దాని ప్రకాశం
పెరిగి నా లోకమంతా వెలుగుతో నింపగా
ఆ కిరణానికి కారణం నేను వెతుకుతుండగా
ఆ వెలుగులో కనిపించావు నువ్వు నవ్వుతూ
"భయపడకు మిత్రమా, నేనున్నాను" అంటూ
నూరిపోసావు ధైర్యాన్ని
చూపించావు నా గమ్యాన్ని
అందుకే మిత్రమా, నువ్వుండేది దూరదేశమైనా
నీ చిరునామా మాత్రం నా గుండెలోన